Favqulodda vaziyatlar vazirligida navbatdagi xayrli tadbirlardan biri bo‘lib o‘tdi. Unda butun umrini ona vatan va xalq tinchligi, xotirjamligini ta’minlashga bag‘ishlab, jamoat ishlarida namunali xizmat ko‘rsatgan, yuqori ko‘rsatkichlarga erishgan   general-mayor Axmedov Qоsimali Xashimovich, iste’fodagi polkovniklar Ikramov Ergashvoy Djumaboevich, Mirzaitov Mirzaxid Miragzamovichlarga davlatimiz rahbari tomonidan ta’sis etilgan “Mehnat faxriysi” ko‘krak nishoni tantanali ravishda topshirildi. O‘z navbatida,   mukofot sohiblari -  qadrli ustozlarni ushbu e’tibor va e’tirof bilan chin dildan muborakbod etgan holda, bundan keyin ham shogirdlarga dono maslahatchi va ko‘makdosh bo‘lib yurishlarini tilab qolamiz.