Ko’cha va yo’llardan o’tish

Yo’lning transport vositasi qatnaydigan qismini, faqat yer osti o’tish joylari, piyodalar ko’prikchalaridan va «Piyodalarning o’tish joyi» belgisi mavjud joylardan yoki bo’lmasa, o’zingni erkin tutib transport vositalari yo’qligiga ishonch hosil qilib, ko’cha va yo’lni tik perpendikulyar holda kesib o’t.

Svetofor yoki yo’l harakatini tartibga soluvchi yo’l noziri bor joylarda, ko’chadan faqat ularning signali bo’yicha kesib o’t.

Yo’l harakatini tartibga soluvchi vosita yo’q joylarda yo’lning transport vositasi qatnaydigan qismini transportlarga xalaqit bermasdan, ikkilanmasdan kesib o’t.

Transport ikki tomonlama harakatlanadigan ko’cha oldida to’xtab, chapga qara va transport vositasi bo’lmasa, o’tishni boshla. O’rtasiga borib, o’ngga qara va o’tishda davom et.

Agar yaqin masofada transport vositasi bo’lsa, xavfsiz joyda yoki ko’chaning o’rtasida kutib tur, yo’l bo’shagach harakatni davom etdir.

«Velosipedlarda harakat qilish» belgisi

«Yo’lovchilar harakati» belgisi

TRANSPORT VOSITALARIDA HARAKATLANISH QOIDALARI (JAMOAT TRANSPORTIDA)

                           

Transport vositasiga chiqishda:

• Transport vositalarini bekatlarda kut, yo’lning transport vositasi qatnaydigan qismiga chiqma;

• Avtobus, tramvay va boshqa transport vositalarida ular batamom to’xtagandan keyin chiq;

• Jamoat transportiga kirish orqa eshikdan, chiqish esa oldingi eshikdan (agar avtobus uch eshikli bo’lsa, o’rta eshikdan kirish, oldingi va orqa eshiklardan chiqish) amalga oshiriladi;

• Avtobus, tramvayga ular harakatlangan paytda sakrab chiqma, orqasiga osilma, zinapoyalarida turma.

Jamoat transporti salonida

Salonga kirgan zahoti, o’rtasiga o’tib ket, chiqish maydonchalarida to’xtab turma.

Agar bo’sh joy bo’lsa, uni band et, o’tish joyida turma. Esingda tut! Keksa odamlarga, nogiron va yosh bolali yo’lovchilarga joy ber.

Shovqin qilma va baland ovozda so’zlashma. Haydovchini ishidan chalg’itma. Oynalardan boshingni chiqarma. Agar chiqish bekating yaqinlashib qolgan bo’lsa, avvalroq harakat qilib chiqishga hozirlik ko’r.

Transportdan chiqishda

Transport vositasi batamom to’xtab bo’lgandan so’ng tushib qol. Tramvaydan tushib, transport qatnaydigan joyda turib qolma: o’ng tomonga qara va agar yaqinlashib kelayotgan transport vositasi bo’lmasa, yo’lkadan yur.

Avtobus yo’l-harakati hodisasiga uchraganda

Avtobusdan chiqib ketish uchun eshiklardan, qopqoqli shamollatish tuynuklaridan, halokatdan chiqish uchun mo’ljallangan derazalardan foydalan. Yo’l-transport hodisasidan so’ng sarosimaga tushmasdan vaziyatni ko’zdan kechir. U qaysi holatda ekanligini bil va shundan so’ng chiqishga harakat qil.

Tramvay yo’l-transport hodisasiga uchraganda

Tramvay salonida sarosimaga tushmasdan vaziyatni ko’zdan kechir. U qaysi holatda ekanligini aniqlab, tutqichga tegib ketmaslikka harakat qilib sakrab tush, chunki vagon elektr tokida bo’lishi mumkin.

METRO

Metroga kiraverishda

Aylanma g’ov (turniket) kirish-chiqish joylari orqali bepul o’tishga urinma: bu xavfli (tabaqalarning zarb bilan urishi jarohatga olib kelishi mumkin).

Eskalatorda:

• Ogoh, xushmuomala va ehtiyotkor bo’l. Shovqin qilma va baland ovozda so’zlashma. Eskalatorda yugurma, uning harakatiga qarshi turma, tutqich hamda zinalarga buyumlarni qo’yma va o’tirib olma. Eskalatorda harakatlanayotganda o’ng tomondan tutqichni ushlab ol;

• Eskalatordan tushayotganda to’xtab qolma, tiqilinch holat tug’dirma;

• Tangalar va boshqa mayda jismlarni eskalatorga tashlama.

Platforma

• Platforma chekkasiga yaqinlashma, belgilangan chegaradan o’tma. Poyezd batamom to’xtamaguncha vagonlar yoniga yaqinlashma.

• Relsga tushib qolgan narsani o’zboshimchalik bilan tushib uni olma, bekatdagi navbatchini chaqir.

• Vagonlar o’rtasiga bir inson tushib qolgan bo’lsa mashinist tomoniga yugur. Vagon ichiga kirib, haydovchiga mikrofon orqali xabar ber.

Vagonda

• Agar poyezd yer osti yo’lida (tunelda) to’xtasa, asabiylashma, metropoliten xodimlari va mashinistning barcha ko’rsatmalarini bajar.

• Yelkangdagi og’ir sumka yoki ryukzakni tushir. Har qanday xavfli holatda poyezd haydovchisi bilan tezkor aloqadan foydalan, tugmani bosib, vagon raqamini ayt, shoshilmasdan qanday vaziyat sodir bo’lganini tushuntir.

Jamoat transportida, metroda bo’lganingda ogoh bo’l!

Egasiz qoldirilgan sumka, paket va boshqa narsalarni ko’rganingda shu zahoti ichki ishlar xodimlariga yoki poyezd mashinistiga xabar ber. 22 Shu narsalar ichida portlovchi moddalar bo’lishi mumkin. Qo’ling bilan tegma, atrofingda turgan odamlarni xavf haqida ogoh qil.